Shqip

Vdekje misterioze e emigrantit në Greqi. Dyshime për dhunë nga policia

Pëllumb Marnikollaj, 29 vjeç nga fshati Rrilë i Lezhës, ka humbur jetën në rrethana ende misterioze në kryeqytetin e shtetit fqinj të Greqisë, ku ai jetonte prej disa vitesh.

Sipas banorëve të zonës, dyshohet se Marnikollaj mund të jetë bërë prè e dhunës së policisë greke, por familjarët nga ana tjetër nuk e pohojnë këtë.

Edhe autoritetet e mediet greke nuk konfirmojnë vdekjen e 29-vjeçarit si pasojë e dhunës në rajonin e policisë. Ndërkohë, një emigrant shqiptar që jeton në Athinë, ka pohuar se Marnikollaj ka pasur detyrim paraqitjeje në policinë greke.

Ai ka komunikuar në telefon me të ndjerin përpara se ky i fundit të shkonte për të firmosur paraqitjen, por më vonë nuk ka pasur më komunikim. Ky fakt e ka shqetësuar emigrantin shqiptar, i cili ka lajmëruar të afërmit e Pëllumb Marnikollajt, si dhe avokatin e tij.

Aktualisht mësohet se trupi i të riut ka mbërritur në atdhe dhe do të përcillet për në banesën e fundit ditën e hënë, por pa pasur një motiv zyrtar të vdekjes.

Burimi http://top-channel.tv/lajme/artikull.php?id=333234#k4

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top