Shqip

Tsipras premton njohejn e dokumentave shqiptare, njohjen e patentave dhe lehtësime për emigrantët shqiptarë

Tsipras premton njohejn e dokumentave shqiptare, njohjen e patentave dhe lehtësime për emigrantët shqiptarë

Vizita treditore e kryetarit të Parlamentit, Ilir Meta në Athine, përpos mesazheve të qarta politike në përmirësim e marrëdhënieve dypalëshe, do t’i hapë rrugë edhe implementimit të disa marrëveshjeve që lehtësojnë jetën e emigrantëve shqiptarë që jetojnë në Greqi.

Pikë së pari, Kryeministrit Tsipras i premtoi kryetarit të Parlamentit Meta, por edhe anëtarëve të delegacionit të gjerë që e shoqëronte atë, heqjen e vulës apostile dhe njohjen e dokumenteve ligjore të lëshuar nga zyrat konsullore të Ambasadës dhe Konsullatave Shqiptare në Greqi.

Pajisja e një dokumenti me pullë apostile, përveç vlerave monetare prej 15-30 euro për çdo dokument ligjor të vulosur në këto zyra, krijon edhe një kalvar burokracie disa ditorë duke filluar nëpër zyrat e gjendjeve civile,e në vazhdim ne prefektura dhe sportelet e Ministrisë së Jashtme.
Kjo procedurë ka një kosto të llogaritur ne 200 euro për çdo certifikate, afati i vlefshmërisë të së cilës nuk e kalon 6 mujorin.

Së dyti, njohja e patentave shqiptare, lehtëson lëvizjen e emigranteve, pa qenë nevoja për të kryer serish një kurs në Greqi.

Procedura për pajisjen me një leje drejtimi automjeti, në Greqi kushton nga 1200-1500 euro. Mjaft emigrantë shqiptarë në pamundësi të sigurimit te parave për të kryer një kurs të rregullt makine në vend janë përballur me gjoba të renda, madje edhe me ndjekje penale prej drejtësisë greke.

Por dorëzania greke nuk ka përfunduar këtu. Kryeministri Tsipras ka premtuar lehtësira edhe të mëtejshme në ligjet vendase, përsa i përket dhënies së shtetësisë për emigrantet e ligjshëm shqiptare që jetojnë në Greqi, madje dhe krijimin e lehtësirave për ligjërimin e mijëra bashkëatdhetarëve tanë që jetojnë në vend, nën atë që quhet emigrant i pa ligjshëm, pasi iu mungojnë numri i ditëve të duhura të punës ose siguracionet.

Përkundër kësaj, Athina dëshiron të mbyllë sa më shpejt “frontet” e hapura me Tiranën, kur ulja e tensioneve dhe e retorikës nacionaliste, pritet të çlirojë energji pozitive në zhvillim të marrëdhënieve dypalësh.

Top Channel ka mësuar se zoti Tsipras ne takimin koke me koke qe kane pasur te dy liderët, ka kërkuar prej Ilir Metës të Ndërhyjë me autoritetin e tij, në uljen e tensioneve mes palëve, dhe natyrisht implementimin e një sërë marrëveshjesh.

Tsipras është shprehur i gatshëm të dërgojë tek Presidenti Pavllopulos një amendament i cili do të abrogojë ligjin e luftës, edhe formalisht, pavarësisht se sipas palës greke, anëtarësimi i Shqipërisë në NATO dhe traktati i miqësisë, i firmosur mes dy vendeve, e kane anuluar atë ligj në praktikë.

Tsipras është dakord se abrogimi i ligjit të luftës është një domosdoshmëri, ajo do të çlirojë energji pozitive në marrëdhëniet dypalëshe, por kurrsesi një ngjarje e tillë nuk duhet të përdoret prej ekstremisteve dhe as t’i atribuohet prej askujt si fitore e irredentizmit, sidomos partisë PDIU në Shqipëri.

Madje, për abrogimin e ligjit të luftës, është dakord edhe me presidentin Pavllopulos, i cili me tone gati lutëse, i ka kërkuar zotit Meta të ndërhyjë në mënyrë që të gjendet zgjidhja për krijimin në Shqipëri të varrezave të ushtarëve grekë të rënë në Luftën e Dytë Botërore.

Është një çështje humanitare, për të cilën në Greqi ka sensibilitet të lartë, është shprehur Pavllopulos. Për post kësaj, Pavllopulos i deklaroi palës shqiptare, se do të inkurajojë dhe pranojë çdo sugjerim të bërë prej qeverisë për heqjen e ligjit të luftës, menjëherë dhe pa asnjë rezervë.

Duket se prania e zotit Meta në Athinë dhe garancitë që ai ka dhënë se është kundër retorikave ekstremiste, të shprehura nga forca politike në të dyja anët e kufirit, me vizion drejt të ardhmes, por pa harruar çështjet e mbartura, ka kënaqur Athinën, e cila pranon se qasja e re ne marrëdhëniet dypalëshe për më tepër duhet të jetë produkt dialogu dhe besimi mes palëve.

BURIMI http://top-channel.tv/lajme/artikull.php?id=337825&ref=ml

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top