Shqip

Takim i Ministri i Shtetit për Diasporën z. Pandeli Majko me komunitetin Shqiptarë në Greqi

Gjatë qëndrimit në Athinë, Ministri i Shtetit për Diasporën z. Pandeli Majko u takua me gazetarët dhe korrespondentët në Greqi, me të cilët zhvilloi një bisedë të frytshme lidhur me komunitetin shqiptar atje. Në takim u fol për integrimin dhe rëndësinë e aktiviteteve për diasporën që jeton në Greqi. Një çështje e rëndësishme e përmendur në diskutime, ishte plani për organizimin e një forumi të përvitshëm mes Shqipërisë dhe Greqisë, ku do të përfshihen përfaqësues të brezit të dytë, biznese, politikanë, akademike etj.


Me pas, z. Majko u takua me mësuesit e gjuhës shqipe në Athinë. Ministri i njohu ata me hapat dhe inciativat që po ndërmerren për krijimin e lehtësirave për mësuesit e diasporës shqiptare. U përmendën plane konkrete që do të mundësojne një qasje më te lehtë ndaj librave shkollorë.

Gjatë bisedimeve të zhvilluara me një grup studentësh shqiptarë, Ministri Majko i informoi ata mbi një projekt në fazë të avancuar, i cili do tu mundësojë të njohin më mirë Shqipërinë. Ministri i Shteti për Diasporën i ftoi të rinjtë të vijnë në atdhe, për të diskutuar mbi plane konkrete, sipas fushës së tyre të interesit.


Ne takimin me përfaqësuesit e shoqatave shqiptare u diskutua mbi projekte që do të synojnë mbrojtjen e të drejtave të emigrantëve. Ministri u kërkoi atyre të jenë më aktivë e më të organizuar në shërbim të komunitetit shqiptar atje. Z. Majko i informoi ata me nismat që po ndërmerr ministria, të tilla si panaire, duke propozuar bashkëpunim në këtë aspekt. Nga ana e tyre përfaqësuesit e shoqatave e njohën Ministrin me problemet kryesore me të cilat përballet komuniteti shqiptar në Greqi.

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top