Shqip

Stadiumi i ri i Shkodrës, Kombëtarja rikthehet në vendlindjen e futbollit

Stadiumi i ri i Shkodrës, Kombëtarja rikthehet në vendlindjen e futbollit

Në vitin 1913 në Shkodër përfaqësuesja shqiptare filloi aventurën e saj ndërkombëtare në një ndeshje miqësore asokohe me një garnizon ushtarak.

Stadiumi i Shkodrës, qyteti të konsideruar si vendlindja e futbollit shqiptar, u inaugurua për herë të parë në vitin 1953 nën emrin e “Vojo Kushit”, një prej heronjve të Luftës Nacional Çlirimtare.

Rikonstruksioni i mëvonshëm i viteve ’80 dhe në fillimin e atyre ’90, e pagëzoi këtë stadium me emrin e një prej legjendave të futbollit tonë, “Loro Boriçi”.

“Stadiumi siç e shihni është gati. Kanë përfunduar punimet, ka gjera të vogla që kanë të bëjnë me plotësimin e kushteve të një ndeshjeje ndërkombëtare si tapeti i barit apo vijëzimi. Stadiumi është gati të presë tifozët shqiptarë për ndeshjen ndaj Marokut. Këtu u ruajt deh u përforcua tribuna ekzistuese. Ndërsa tribuna qendrore u rrafshua dhe u ndërtua e re. Tribuna dhe 5 stendat. Ato defekte që ka stadiumi i Elbasanit, ne jemi munduar që t’i eliminojmë. Duke filluar që nga VIP-i që është shumë më i madh. Në Elbasan shkon diku te 250 persona, këtu është afro 1000. Media në Elbasan është bashkë me tifozët, në Shkodër është e ndarë, ka marrë një kat të tërin më vete. Sipas ambienteve është një stadium i nivelit 5, por është kapaciteti ai që e ndan, pasi këto lloj stadiumesh duhet të kenë mbi 30.000 spektatorë. Në këtë stadium mund të zhvillohen të tëra aktivitetet e Champions League,”tregon inxhinieri, Arben Dervishi.

Inaugurimi i impiantit të ri “Loro Boriçi” do të bëhet mbrëmjen e së mërkurës me ndeshjen miqësore Shqipëri-Marok e planifikuar për t’u zhvilluar në orën 20:30, më pas në këtë stadium do të zhvillohen edhe ndeshjet eliminatore të botërorit Rusi 2018.

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top