Shqip

Shqipëria nën ujë. Përmbyten rrugë e banesa. Një viktimë nga moti i keq

Shqipëria është e zhytur në ujë nga moti i rënduar me reshje të mëdha të shiut të rëna dy ditët e fundit. Situata është problematike në të gjithë vendin.

Motit me reshje të dendura, që solli edhe përmbytje në pjesën më të madhe të vendit, nuk i shpëtoi as kryeqyteti. Madje, mbrëmjen e kaluar, autostrada Tiranë-Durrës u bllokua tërësisht, ndërsa mëngjesin e sotëm u bë i munduar kalimi vetëm në njërin krah të autostradës. Janë evakouar disa persona nga fshatrat përreth Tiranës

Në Shijak mbi 20 banesa që ndodhen pranë lumit Erzen janë përmbytur. Si rezultat i reshjeve të vazhdueshme, ujërat kanë vërshuar brenda banesave, ndërsa Ujësjellës-Kanalizimet Durrës njoftoi dhe për probleme në furnizimin me ujë të pijshëm të kësaj zone.

Po në Durrës, banorët në Manzë banorët raportojnë nse prurjet e ujit kanë qenë aq te forta sa kanë shembur edhe një shtëpi, që sipas tyre i përket një plake të vetmuar, që tashmë nuk ka më ku të jetojë.

Në Pogradec uji ka depërtuar në disa banesa dhe biznese, ndërsa në Korçë, ku pritet rëndim i situatës në fushën e Maliqit, raportohen probleme në aksin Lozhan-Moglicë ku reshje të dendura kanë sjellë bllokim të rrugës si pasojë e rrëshqitjes së gurëve. E njëjta situatë është në aksin Bilisht-Kapshticë.

Edhe në Gjirokastër Lumi Drino ka përmbytur qindra hektarë tokë dhe pjesë të qytetit janë nën ujë, ndërsa aksi rrugor Kardhiq-Gjirokastër kalohet me vështirësi pasi ka dalë uji në rrugë tek pika e Viroit. 40 familje në fshatin Picar rrezikojnë përmbytjen shprehen burime nga Shtabi i Emergjencave në Prefekturë. Autoritetet e emergjencës janë në terren për tu ardhur në ndihmë banorëve duke përdorur varka.

Fieri dhe Vlora janë dy nga qarqet më të rrezikuara për shkak se lumi i Vjosës pritet të dali nga shtrati për shkak të shirave të mëdha që kanë rënë dhe në Greqinë veriperëndimore, prurjet e së cilave pritet të mbërrijnë në orët e para të mbrëmjes.  Janë bëra gati disa qendra evakuimi dhe po bashkëpunohet edhe me hotele private për strehim.

Në Skrapar përroi i Guakut ka shtuar prurjet duke rrezikuar të dalë nga shtrati.

Në veri të vendit probleme ka dhe në disa akse të thella në zonën e Dukagjinit, ku ka pasur rrëshkitje dherash nga rrjedhat e përrenjve.

Qyteti Shkodres vazhdon të mos ketë furnizim me ujë të pijshëm. Nga Hidrocentrali i Komanit dhe Vaut të Dejës po bëhen shkarkime të kontrolluara rreth 200 m3 në sekondë, ku është hapur deri në njëfarë mase vetëm njëra nga portat.

Në Dibër përroi i Peshkopisë ka dale nga shtrati. Një familje në rrezik u evakuua për t’u strehuar në konvikt.

Në Bulqizë, në lagjen Allmete, uji i përroit ka dalë nga shtrati duke rrezikuar shtëpitë përreth. Në Rrugën e Arbrit, prane Vajkalit ka rrëshkitje gurësh dhe ujë.

Ndërkohë lumi Devoll dhe përrenjtë kanë izoluar Njësinë Administrative Lenie. Në Gramsh e në Librazhd shumë zona mbeten pa energji elektrike dhe prania e gurëve dhe ujit në disa akse bëri që Ministria e Brendshme t’u bëjë thirrje qytetarëve të shmangin lëvizjet e panevojshme qoftë me makinë, e qoftë në këmbë.

Më herët gjatë të enjtes, si pasojë e stuhisë që përshfiu Fierin, një elektriçist humbi jetën nga kontakti me rrymën. Edhe pse kolegët e dërguan 50-vjeçarin Sabri Vriga në spital, ai nuk arriti të mbijetojë.

Burimi http://top-channel.tv/2017/12/01/permbytet-shqiperia-rreziku-me-i-madh-ne-jug-ushtria-evakuon-banoret/

ΣΧΟΛΙΑ

The Latest

To Top

Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Τα cookies επιτρέπουν μια σειρά από λειτουργίες οι οποίες μας βοηθούν να προσωποποιήσουμε το περιεχόμενο, να ρυθμίσουμε και να μετρήσουμε τις διαφημίσεις, και να παρέχουμε πιο ασφαλή εμπειρία στο Albanians.gr. Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Close