Shqip

Shqipëria fiton garën mbi teknologjinë, triumfojnë tre gjimnazistet nga Tirana në Kaliforni

Tre gjimnaziste nga Tirana ishin të enjten fitueset e vendit të parë në një konkurs të organizatës Technovation në San Francisco të Kalifornisë për zgjidhjen e problemve reale në komunitetet e tyre përmes teknologjisë. Çdo vit, ekipe vajzash nga e gjithë bota marrin pjesë në këtë garë. Vajzat nga Tirana paraqitën një aplikacion që u vjen në ndihmë grave dhe vajzave të dhunuara në shoqërinë shqiptare.

Ka qenë një rrugëtim mbreslënës dhe emocional për këto tre gjimnaziste nga Tirana të cilat u shpallën fituese të konkursit të organizatës Technovation në San Francisco të Kalifornisë.

Ato u prezantuan me aplikacionin e tyre që u vjen në ndihmë grave dhe vajzave të dhunuara.

“Që në fillim donim që të ndihmonim në një farë mënyre gratë shqiptare dhe duke marrë parasysh mentalitetin shqiptar, menduam që të trajtonim një temë si dhuna me bazë gjinore, që do të ishte mënyra më e mirë për t’u ardhur në ndihmë”, thotë 15 vjeçarja Jonada Shukarasi.

Aplikacioni i ndërtuar prej tyre, përmbledh në një menu shumë të thjeshtë të gjithë numrat telefonikë që mund të marrin gratë në një situatë të caktuar. Një zgjidhje praktike e cila vjen edhe me një numër këshillash për të gjetur zgjidhje në situata delikate.

Në një intervistë për VOA ato tregojnë disa nga detajet se si mundën të shkojnë drejt këtij projekti.

“Ne jetojmë në një shoqëri patriarkale të sapo dalë nga komunizmi dhe sigurisht ka një dominancë të gjinisë mashkullore dhe një mentalitet shumë të prapambetur që gratë nuk mund të jenë të pavarura, nuk mund të shkollohen, nuk mund të çojnë përpara në jetë, të kenë financat e tyre. E gjithë kjo reflektoi në rininë e sotme edhe pse ka shumë ndryshime ne shohim shenja të hershme të kësaj dhune që reflektohen në marrëdhëniet e miqve tanë sot”, shprehet një nga gjimnazistet.

Çdo vit, ekipe vajzash nga e gjithë bota marrin pjesë në këtë garë. Vajzat nga Tirana paraqitën një aplikacion që u vjen në ndihmë grave dhe vajzave të dhunuara në shoqërinë shqiptare.

Burimi https://shqiptarja.com/lajm/shqiperia-fiton-garen-mbi-teknologjine-3-gjimnazistet-nga-tirana-triumfojne-ne-kaliforni

The Latest

To Top

Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Τα cookies επιτρέπουν μια σειρά από λειτουργίες οι οποίες μας βοηθούν να προσωποποιήσουμε το περιεχόμενο, να ρυθμίσουμε και να μετρήσουμε τις διαφημίσεις, και να παρέχουμε πιο ασφαλή εμπειρία στο Albanians.gr. Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Close