ΕΙΔΗΣΕΙΣ

Shqipëri Bllokohen furgonat e paliçensuara

Ministria e Transportit dhe Infrastrukturës, reagoi përmes një deklarate për mediat lidhur me aksionin për bllokimin e furgonëve, apo siç njihen ndryshe automjeteve taksi (8+1).

Sipas ministrisë, qeveria synon që të rrisë standardet e sigurisë rrugore për qytetarët. Nisur nga numri i madh i aksidenteve, qeveria ka vendosur që t’i japë fund mjeteve të transportit të palicencuara dhe që drejtohet nga drejtues të pacertifikuar.

Në thelbin e vet nisma e qeverisë para së gjithave, mbron qytetaret, jetën dhe xhepin e tyre nga abuzuesit, mbron përdoruesit e ligjshëm e të licencuar të mjeteve, investimet e kujtdo që punon në këtë sektor me dokumentacion të rregullt, si edhe lirinë e të drejtën e zhvillimit të sektorit përmes konkurrencës së ndershme e të garantuar për çdo investim në këtë fushë që jep siguri, sjell inovacion, garanton progres”, shkruan deklarata.

Një ditë më parë ministri i Brendshëm, Sajmir Tahiri, deklaroi se do të ndalohej transporti i pasagjerëve me anë të mjeteve 8+1.

Shoferët e mjeteve 8+1 në Shkodër kanë bërë të ditur se, që në mëngjes policia rrugore i ka ndaluar që të qarkullojnë në drejtim të Lezhës, Laçit dhe Tiranës apo nga Tirana në drejtim të qyteteve të ndryshme.

Ndërsa dje ministrit i Transporteve, Haxhinasto, pasojat e mosrespektimit të ligjit nga furgonët kanë qenë të mëdha. Në asnjë vend të botës furgonët nuk shërbejnë si mjet transporti publik dhe për këtë sipas tij, për përballimin e fluksit të qarkullimit ndërqytetës do të përdoren autobusët. Për të mos renduar qytetaret lëvizja e autobusëve do të jetë me tabela me orare që dihen të respektohen nga të gjithë.

 

burimi www.shekulli.com.al

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top