Shqip

Shpëtoi shokun e tij grek, humb jetën në Olimp 26-vjeçari shqiptar

Shërbimi i zjarrfikësve të Greqisë ka publikuar një video nga operacioni i shpëtimit të dy alpinistëve të aksidentuar në malin e Olimpit, një prej të cilëve, 26-vjeçari nga Shqipëria ka humbur jetën.

Ngjarja ka ndodhur mbrëmjen e së shtunës, kur Ilia Dhimitri, me origjinë nga qyteti i Korçës, i cili e kishte bërë edhe herë tjetër këtë ngjitje, bashkë me një student grek 25-vjeçar janë përpjekur të ngjiten në Olimp, pranë bujtinës së gurtë që mban emrin e politikanit grek “Spiliso Agapitos”, në një lartësi mbi 2.100 metra.

“Por një çast, për shkak të borës së ngrirë, shoku i vet ka rrëshkitur dhe në përpjekje për ta ndihmuar atë ka rrëshkitur edhe Ilia, duke rënë në një humnerë prej 200 metrash”, ka deklaruar shefi i shërbimit zjarrfikës të qytetit të Katerinës.

Ndërsa shoku i vet, që ka shpëtuar pasi është mbajtur nga një degë peme, ka zbritur i plagosur në humnerë dhe ka pritur pranë trupit të Ilias për shumë orë, derisa kanë mbërritur ekipet e shpëtimit dhe e kanë marrë. Tashmë ai mjekohet në spital në gjendje shoku nga ngjarja tragjike.

Ilia, që kishte pasion alpinizmin, dhe miku i tij studionin në një shkollë private për turizëm në Selanik. Olimpi, ose ndryshe mali i Zotave sipas mitologjisë greke, që vizitohet çdo vit nga mbi 18 mijë vetë, sidomos alpinistë të huaj, është i njohur për rrezikshmërinë e tij. Prej vitit 1960, të paktën 60 persona kanë gjetur vdekjen gjatë ngjitjeve në 52 majat e tij.

Burimi http://top-channel.tv/2017/12/11/shpetoi-shokun-e-tij-grek-humb-jeten-ne-olimp-26-vjecari-shqiptar/

ΣΧΟΛΙΑ

The Latest

To Top

Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Τα cookies επιτρέπουν μια σειρά από λειτουργίες οι οποίες μας βοηθούν να προσωποποιήσουμε το περιεχόμενο, να ρυθμίσουμε και να μετρήσουμε τις διαφημίσεις, και να παρέχουμε πιο ασφαλή εμπειρία στο Albanians.gr. Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Close