ΕΙΔΗΣΕΙΣ

Selanik Aksident me motorr humb jetën emigranti 23 vjeçar nga Shqipëria

Selanik Greqi. Një aksident i rëndë ka ndodhur para disa ditës në rrugën nacionale Selanik Edhesë ku si pasojë ka humbur jetën një emigrant shqiptarë.

Aksidenti ka ndodhur në kilometrin e 58 të rrugës nacionale Selanik Edhesa, dhe viktima është 23 vjeçar nënshtetas Shqiptarë. Sipas policisë motorri  të cilin e drejtonte  23 vjeçari u përplas me një makinë që drejtohej nga një 22 vjeçar. Si pasojë e aksidentit 23 vjeçari u plagos rëndë dhe ndërroi jetë në spital mbas disa ditësh. 22 vjeçari nënshtetas grek  u plagos lehtë.

Hetimet për ngjarjen i ka marrë përsipër Policia Rrugore e Janica.

Mediat Greke nuk kanë bërë publike emrat e viktimës dhe të plagosurit.

Por siç raportojnë mediat shqiptare, 23 vjeçari që humbi jetën në këtë aksident quhet Fatos Fiqiri Miska me origjinë nga Prevalla e Librazhdit. I ndjeri jetonte me vëllain e tij në qytetin e Korinthit, 21 vjeçarin Florian Miska. Dy të rinjt punonin në Greqi me punë sezonale.

Sipas mediave shqiptare, një pjesë e familjarëve të emigrantit kanë udhëtuar nga Librazhdi në Selanik për të kryer veprimet e tërheqjes të trupit të të ndjerit, kurse një pjesë e famlijes, gjithëmonë sipas mediave shqiptare, kanë shkuar në Policinë e Librazhdit ku kërkojnë hetime të mëtejshme për vrasje.

Sipas ligjit grek shoferi i makinës, gjithësesi është i akuzuar për vrasje, edhe në rastin që vërtetohet që  është i pafajshëm, dhe do dënohet për vrasje pa paramendim dhe pa dashje. Pra sido që të jetë kemi të bëjmë me një vrasje.

Por para disa ditësh, u hap lajmi i rremë se një emigrant shqiptarë me emrin Fatos Miska u vra me armë nga policia greke. Lexoni këtu më shumë detaje dhe disa nga arsyet e mundëshme që pse disa pseutblog dhe pseutogazetarë përhapë një lajm të tillë Hapet lajmi i rremë se u vra nga policia greke një emigrant shqiptarë Provokacion apo paturpësi?

Për Albanians.gr

Gaston Sanxhaku

Hapet lajmi i rremë se u vra nga policia greke një emigrant shqiptarë Provokacion apo paturpësi?

 

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top