Shqip

Prokurori italian-Shqipërisë: Mos e prekni anijen! Do vijë në Brindisi

Autoritetet italiane kanë kërkuar lejen nga Shqipëria për të tërhequr anijen “Norman Atlantic” në territorin e tyre, pasi aktualisht “Norman Atlantic” gjendet në ujërat territoriale shqiptare dhe për çfarëdo veprimi ndaj saj nevojitet një leje e posaçme.

Prokuroria pranë Gjykatës së Shkallës së Parë të Barit ka bërë një kërkesë për ndihmë juridike, me objekt sekuestrimin e anijes “Norman Atlantic” dhe të të gjitha pajisjeve që ndodhen në të, si dhe kryerjen e një sërë veprimesh të tjera hetimore, që anija të tërhiqet nga autoritetet italiane drejt Brindisit në mënyrë që hetimi të vijojë nga autoritetet italiane.

Prokuroria Shqiptare nga ana e saj po krijon të gjithë lehtësirat e nevojshme procedurale në bazë të “Konventës mbi të Drejtën e Detit” të Organizatës së Kombeve të Bashkuara, për t’u ardhur në ndihmë autoriteteve gjyqësore italiane në hetimin mbi avarinë e rëndë në bordin e anijes, si pasojë e së cilës është konfirmuar zyrtarisht vdekja e 10 personave.

Po merren të gjitha masat për ekzekutimin e kësaj letër-porosie nga ana e Prokurorisë pranë Gjykatës së Shkallës së Parë Vlorë. Aktualisht, anija, e cila ka humbur drejtimin teknik, gjendet në ujërat territoriale shqiptare.

Më herët Prokurori i Barit Giuseppe Volpe ka deklaruar se “askush nuk mund të marrë në dorëzim anijen ‘Norman Atlantic’ pasi kjo do të konsiderohej si një vepër penale e dënueshme dhe shkelje e të drejtave detare ndërkombëtare”.

Ai ka thënë gjithashtu se shqiptarët s’kanë qenë mirë me mjetet e ndihmës për pasojë dy prej rimorkiatorëve shqiptarë kanë rënë viktimë të një aksidenti duke humbur jetën. Më tej ai ka sqaruar vështirësitë në operacionin e rimorkimit dhe për shkak të kushteve të vështira të motit.

Të dhënat e fundit rezultojnë që në anije të kenë qenë 499 persona, ndër të cilët 310 janë shpëtuar, e bashkë me 10 viktimat, mbeten 179 persona ende të zhdukur. Mes dhjetë viktimave deri më tani 3 janë identifikuar si italianë dhe 1 si grek. Prokurori sqaron se numri i të zhdukurve mund të ndryshojë për shkak se ende nuk dihet numri i pasagjerëve të shpëtuar që ndodhen në anijet shpëtuese greke.

shqiptarja.com

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top