Përurohet ,mes protestash, Parku Durrësi në Selanik. VIDEO FOTO

By Rinia Corner

Posted on October 4, 2013

Selanik Greqi. Është përuruar sot në mesditë

në qytetin e Selanikut, Parku “Durrësi”. Në ceremoni morën pjesë Krebashkiaku i Selanikut Janis Butaris, Konsulli i Republikës të Shqipërisë në Selanik Riza Poda, zyrtarë nga bashkia e Durrësit si dhe përfaqësues nga komuniteti shqiptarë në Selanik.

Parku “Durrësi” ndodhet në rrugën Monastiriu dhe Anageniseos para stacionit të trenit të Selanikut. Ky emërim bëhet në kuadër të të binjakëzimit të dy qyteteve bregdetare, Selanikut në Greqi dhe Durrësit në Shqipëri.

Vendimi për një park me emrin “Durrësi” është marrë nga Këshilli bashkiak i Selanikut, që drejtohet nga kryebashkiaku Janis Butaris, një njeri i moderuar, që njihet për bindjet e tij të theksuara antiraciste dhe antinacionaliste.

Vendosja e këtij emri ka një simbolikë të veçantë, me qëllim që të përcjellë ndjenja pozitive në marrëdhëniet mes shqiptarëve dhe grekëve.

Por përurimi i parkut nuk kaloi pa protesta nga ana e disa banorëve të Selanikut të cilët nuk janë dakort me vendimin e zotit Butaris. Inagurimi i Parkut u bë nën mbrojtjen e forcave të shumta policore dhe atyre të forcave speciale MAT.

Banorët e mbledhur hodhën parrulla kundër Kryebashkëiakut Butaris. Banorët kërkojnë që të anullohet ky vendim. Gjithashtu nuk duan që në sheshin e quajtur tashmë “Durrësi” krah Flamurit Grek të valvitet dhe ai i Shqipërisë

albanians.gr

{youtube}ivv19zqjRfI#t=18{/youtube}

{youtube}A53Wkj0LPk4{/youtube}