Shqip

Një shqiptar i vdekur dhe 7 të plagosur nga tërmeti në Itali; MPJ zbardh emrat

Një shqiptar i vdekur dhe 7 të plagosur nga tërmeti në Itali; MPJ zbardh emrat

Një shtetas shqiptar ka mbetur i vdekur nga vala e tërmeteve që kanë prekur Italinë qendrore mëngjesin e sotëm. Ministria e Punëve të Jashtme ka konfirmuar se deri tani është një shtetas shqiptar që ka humbur jetën, Erjon Toro, ndërsa numri i të plagosurve ka shkuar në 7, ku shtetasja me inicialet E.T, ndodhet në gjendje në rëndë në spitalin e “L.Aquila”-s.

“Në vijim të ndjekjes së situatës emergjente nga Ambasadorja dhe stafi i Ambasadës që ndodhet në zonat e goditura nga tërmeti, informohemi se: Me trishtim të thelle mësojmë se shtetasi shqiptar Erjon Toro ka humbur jetën dhe numri total i shtetasve shqiptar të plagosur arrin në shtatë vetë. Nga kontaktet qe Ambasada jonë në Rome po mban në mënyrë të vazhdueshme me autoritetet italiane dhe shtabet e krizës, bëhet e ditur se në spitalin ‘Gemelli’ të Romës ndodhen në gjendje të mire shëndetësore shtetasit shqiptar të mëposhtëm:

Xhesika Hasani

Sara Hasani

Romina Duro

Lori Duro

Hatixhe Hasanaj

Në spitalin e Rietit ndodhet jashtë rrezikut për jetën shtetasja shqiptare me inicialet:  Xh.T Në spitalin e L.Aquila ndodhet në një gjendje më të rëndë shtetasja shqiptare me inicialet: E.T”, – thuhet në deklaratën e MPJ-së.

Ministria e Punëve të Jashtme i shpreh ngushëllimet më të thella familjes së viktimës dhe uron në shërimin e shpejtë të të plagosurve. Ambasada e Republikës se Shqipërisë në Romë është e angazhuar për të ndjekur hap pas hapi në terren si dhe në koordinim të plotë me autoritetet italiane dhe për t’i ardhur në ndihmë qytetarëve shqiptarë të plagosur.

24 gusht 2016 (gazeta-Shqip.com)

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top