ΕΙΔΗΣΕΙΣ

Kryeministri Rama takon Kryeparlamentarin Grek Evangelos Meimarakis

Integrimi i Shqipërisë në Bashkimin Europian ka qenë sërish tema në fokus të takimit që kryeministri Edi Rama ka zhvilluar me kryetarin e Parlamentit të Greqisë Vangelis Meimarakis. Duke shprehur mirënjohje Greqisë për mbështetjen ndaj Shqipërisë për statusin, kryeministri Rama tha se vizita e Meimarakis në Tiranë forcon urat e bashkëpunimit rajonal.

Në kuadër të takimit të zhvilluar sot për nismën Adriatiko-Joniane, kreu i qeverisë tha se kjo vizitë i shërben forcimit të urave të bashkëpunimit rajonal dhe zhvillimit të projekteve të përbashkëta mes vendeve të rajonit.

Ndërsa zoti Meimarakis, teksa rikonfirmoi se Greqia mbështet plotësisht përpjekjet e Shqipërisë për integrim në BE, u shpreh se një nga objektivat e Presidencës greke të Këshillit të BE, është që Shqipëria deri në muajin qershor të ketë një raport pozitiv për marrjen e statusit të vendit kandidat.

Sa i takon zhvillimeve rajonale, gjatë takimit Rama-Meimarakis u theksua se bashkëpunimi i frytshëm mes vendeve të rajonit, i shërben prosperitetit të vendeve, si dhe ruajtjes dhe forcimit të paqes dhe stabilitetit.

burimi www.shqiptarja.com

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top