ΕΙΔΗΣΕΙΣ

Kryeministri Rama: Sistemi i transportit duhet të riorganizohet, udhëtari kërkon siguri

Kryeministri Edi Rama thekson nevojën e riorganizimit të sistemit të transportit publik në vend, në mënyrë që të garantojë siguri për udhëtarët. Gjatë fjalës së tij në Kuvend, kryeministri tha se “transporti publik nuk mund të funksionojë më pa rend ligjor, pa konkurrencë të ndershme, pa kontroll teknik të besueshëm, pa stacione, dhe pa drejtime”. Sipas kryeministrit mazhoranca paraardhëse e la transportin publik në ditën më të zezë dhe tani kërkon përfitime politike.

“Udhëtari sot kërkon siguri, ne duam siguri në këtë sektor. Udhëtari sot kërkon inovacion. Ajo që ndodhi në Tiranë që shërbimi i mjeteve 8 plus 1 nuk u konsiderua më një shërbim urban , por u kthye në një shërbim taksi krijoi hapësirën për të ndërtuar shërbimin urban me standarde evropiane.”- u shpreh kryeministri.

Më tej kryeministri theksoi se asnjë mjet i palicencuar nuk do të lejohet të transportojë udhëtarë dhe furgonat nuk mund të vijojnë të mbajnë jashtë ligjit rolin e shërbimit interurban, duke falimentuar kompani të tëra autobusësh.

“Qeveria nuk do të lejojë më qarkullimin e mjeteve të palicencuara. Do tu japë kohë për tu riorganizuar të gjithë atyre që kanë një licencë të rregullt dhe që duhet të bëjnë një zgjedhje nëse do të kalojnë në shërbimin taksi normal, apo shërbimin urban brenda rrethit të përcaktuar nga autoriteti që jep licencën për ta. Qeveria do të ndërmarrë projektin për inovacionin dhe transformimin e gjithë sistemit të transportit tonë publik.”- deklaroi shefi i qeverisë.

burimi www.ballkanweb.com

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top