Shqip

Katastrofa natyrore në Attikë, 16 të vdekur nga përmbytjet

Greqia mban zi për 16 viktimat e katastrofës natyrore që goditi të mërkurën tre qyteza të Atikës Perëndimore, pranë kryeqytetit grek.

Në zonën e  Mandrës, Nea Perames dhe Elevsines  më shumë se 500 shtëpi dhe dyqane, 350 makina, 50 skafe, dhjetëra autobusë dhe mjete të rënda janë shkatërruar ose kanë pësuar dëme nga ujërat e rrëmbyera dhe balta.

Sipas meteorologëve, brenda tre orëve ra një sasi shiu e barabarte me reshjet që bien gjithë vitin në atë zonë. Nga 23 të plagosurit ,12 trajtohen ende në spitale, një person konsiderohet i humbur, ndërsa 15 psikologë përpiqen të ndihmojnë familjet e viktimave.

Autoritetet vendore kanë urdhëruar që edhe sot shkollat në zonën e goditur të jenë të mbyllura, ndërsa kanë shpallur gatishmëri të lartë pasi shërbimi sinoptik parashikon përkeqësim të motit në orët e ardhshme edhe në shumë zona të tjera të Greqisë.

Kryeministri grek pasi shpalli tre ditë zie kombëtare premtoi masa për të ndihmuar familjet dhe bizneset që kanë pësuar dëme.

“Dua të shpreh trishtimin tim të thellë dhe ngushëllimet më të sinqerta familjeve të viktimave, si dhe te premtoj se do të qëndrojmë krah tyre, me të gjitha mjetet që kemi në dispozicion”, tha Tsipras.

Burimi www.top-channel.tv

 

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top