Ministri i Mbrojtjes së Qytetarit,Mihalis Hrisohoidis ka thënë se brenda 20 ditëve do të jetë gati një repart ushtarak në afërsi të Kozanit,në të cilin do të strehoen shumë klandestinë.Kryesisht ata janë afganë,iranianë,pakistanezë dhe afrikanë.Banorët e zonës kanë reaguar ashpër,ndërsa kryetarja e Bashkisë Voiu,Panajota Orfanido, tha se u njoftuan vetëm pasi kishin filluar punimet për vendgrumbullimin e klandestinëve.
Sipas kryetares së bashkisë,baza ushtarake ku do të strehoen klandestinët nuk plotëson asnjë kusht jetese,ndërsa nuk ka as kanalizim për ujërat e zeza.
Sipas ministrisë,klandestinët do të jetojnë në çadra,të cilat janë vendosur tashmë në bazën ushtarake dhe janë gati,ndërsa disa ndërtesa do të përdoren si kuzhina,tualete etj.
