Shqip

Greqi, leje qëndrimi elektronike për emigrantët

Departamenti i Politikave të Migracionit në Greqi ka kompletuar detyrimin e këtij vendi, i njëjtë për të gjitha vendet anëtare të BE-së, për dhënien e lejeve të qëndrimit me të cilat pajisen shtetasit e vendeve të treta që banojnë ligjërisht në vend, tashmë në formë elektronike.

Leja e re, e ngjashme me një kartë krediti, është hartuar si një dokument i sigurt dhe me cilësi të lartë, që siguron të gjitha masat e nevojshme për të parandaluar falsifikimin ose mashtrimin e mundshëm.

Ajo përfshin: (a) të dhënat e identitetit të personit; (b) informacioni që përcakton statusin e qëndrimit, dmth. lloji i lejes dhe aksesi në tregun e punës; dhe (c) të dhënat biometrike për identifikimin e poseduesit, fotografia, dy shenja të gishtave dhe firma.

Duke promovuar lejen e re elektronike, ministri i Politikave të Emigracionit, Giannis Mouzalas e quajti atë “një përpjekje të madhe për të përmirësuar jetën e atyre që prej shumë vitesh jetojnë në Greqi”.

Lejeqëndrimi i ri elektronik u është dhënë prej shkurtit të këtij viti, duke zëvendësuar lejet e vjetra, 56 mijë shtetasve të vendeve të treta. 43 mijë të tjera janë në fazën e miratimit, ndërsa pritet që me të të pajisen mbi 600 mijë emigrantë të huaj, shumica e të cilëve shqiptarë; dhe mbi 150 mijë të cilët ende janë të paligjshëm, megjithëse jetojnë prej vitesh në Greqi.

Me lejen e re thjeshtohen dhjetëra procedura dhe procese burokratike në kurriz të emigrantëve, si rinovimi dhe koha e dhënies, pasi ministria ka ngritur një sistem online me 57 shërbime publike në gjithë vendin.

Kostoja e lejes, që mund të jetë nga një deri në 10 vjet, është vetëm 16 euro dhe pagesa e saj kryhet nëpërmjet një shërbimi online të lidhur me bankat, ndërsa marrja e saj nga poseduesi bëhet në zyrat “one stop” të shërbimeve të Drejtorive të Emigracionit në periferitë e vendit.

Burimi http://top-channel.tv/lajme/artikull.php?id=365657

 

ΣΧΟΛΙΑ

The Latest

To Top

Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Τα cookies επιτρέπουν μια σειρά από λειτουργίες οι οποίες μας βοηθούν να προσωποποιήσουμε το περιεχόμενο, να ρυθμίσουμε και να μετρήσουμε τις διαφημίσεις, και να παρέχουμε πιο ασφαλή εμπειρία στο Albanians.gr. Χρησιμοποιώντας αυτόν τον ιστότοπο, συμφωνείτε με τη χρήση των cookies, σύμφωνα με τις οδηγίες περισσότερα

Close