ΕΙΔΗΣΕΙΣ

Firmoset marrëveshja përfundimtare e TAP-it

Është firmosur sot marrëveshja përfundimtare midis Azerbajxhanit, Shqipërisë, Kroacisë dhe Malit të Zi rreth të ardhmes për gazsjellësin TAP.

Kjo është pjesë e marrëveshjes së “Korridorit Jugor i Gazit”, një projekt i cili do të lejojë Evropën që të ketë burime alternative të hidrokarbureve si dhe të rrisë sigurinë e energjisë. Prodhimi i gazit në Azerbajxhan është konsideruar si burimi kryesor i projektit “Korridori Jugor i Gazit”.

Sot u arrit të bëhej edhe firmosja e këtij investimi të madh, i cili është pjesë e projektit “Shah Deniz 2”. Autorizimi i këtij projekti nënkupton fillimin e implementimit të tij, dhe jo thjeshtë një projekt në letër.

Rezervat e “Shah Deniz” shkojnë deri në 1.2 trilionë m³ gaz. Kostoja e fazës së dytë, të zhvillimit në fushën e kondensimit të gazit “Shah Deniz”, është vlerësuar me 25 miliardë dollarë.

Në fazën e parë do të prodhohen nëntë miliardë m³ gaz, ndërsa në fazën e dytë të zhvillimit të këtij projekti, është planifikuar që të prodhohen 16 miliardë m³, nga të cilët gjashtë miliardë do të transportohen në Turqi dhe dhjetë miliardë në Evropë.

 

burimi www.shekulli.com.al

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top