ΕΙΔΗΣΕΙΣ

Fëmijët e emigrantëve rrezikohen në provimin e Gjuhës Shqipe

Fëmijët e emigrantëve që janë  

Fëmijët e emigrantëve që janë  

kthyer në vend, kanë rritur  kërkesat për t’u shkolluar  në Shqipëri. Por ardhja  e tyre shoqërohet edhe me një  problematikë, sepse ata nuk janë  njohës shumë të mirë të Gjuhës  Shqipe dhe nuk do t’i nënshtrohen  një testimi të njohurive të saj.  Sipas drejtorit të përgjithshëm të  Agjencisë Kombëtare të Provimeve  (AKP), Alfons Harizaj, këta nxënës  do të marrin vetë përsipër “riskun”  kur të japin dy provimet e detyruara  të gjuhës shqipe dhe letërsisë. Pra  nuk dihet nëse ata do arrijnë t’i  sigurojnë pikët e nevojshme për të  fituar një nga degët e preferuara  apo për të ndjekur studimet në  universitet, pavarësish procedurave  të lehtësuara në njehsimin e  dokumentacionit nga MASH-i. Sipas  Harizajt, “Për nxënësit që vijnë nga  jashtë Shqipërisë për të konkurruar  në maturën shtetërore, pra fëmijët  e emigrantëve, nuk ka një kufizim  në kuota. Madje ata kanë të drejtë  të regjistrohen edhe nëse nuk kanë  përfunduar shkollën e mesme në  vendin nga vijnë, ashtu si ata që  e kanë përfunduar”. Por Harizaj  përmend më tej edhe faktin se  mosnjohja mirë e gjuhës shqipe  nga këta fëmijë, mund të përbëjë  një risk të cilin ata vetë duhet ta  marrin parasysh. “Riskun e marrin  përsipër vetë të gjithë ata që vijnë  për të ndjekur shkollën këtu. Ata  do të japin provimet e detyruara të gjuhës shqipe dhe letërsisë dhe atje edhe do të vlerësohen.  Nuk do të bëhet një testim i tillë  për gjuhën shqipe”,- tha Harizaj. Javën e fundit të muajit prill do të mbyllen aplikimet, ndërsa që nga dita e martë ata të interesuarit  kanë filluar të plotësojnë të  dhënat individuale. Sipas Harizajt,  dokumentacioni i tyre konvertohet në harkun kohor të dy javëve.  “Fëmijët e emigrantëve i kanë  procedurat shumë të lehtësuara. Në një kohë të shkurtër iu bëhet njehsimi i rezultateve dhe iu  mundësohet të hyjnë në provim si të gjithë”,- tha ai. Dokumentacioni i nevojshëm që prindërit e këtyre  fëmijëve duhet të paraqesin, duhet të jetë ai që provon lëndët që kanë studiuar me rezultatet përkatëse dhe të paraqitet pranë MASH-it për t’i njehsuar. “MASH-i iu dorëzon dokumentet e njehsuar  që tregojnë se cilat janë lëndët që  iu njihen dhe cili është rezultati.  Në rast se nxënësi ka lëndë të pashlyera atëherë MASH-i i kërkon  atij shlyerjen e këtyre lëndëve. Në rast se të gjitha lëndët janë shlyer atëherë MASH-i përcjellë një kopje të dokumentacionit në një shkollë  që e përcakton vetë dhe një kopje tjetër e përcjellë pranë Agjencisë Kombëtare të Provimeve (AKP).  Më pas nxënësi hyn në sistem për të vazhduar garën”,- shtoi më tej  drejtori Harizaj.

 

 

burimi www.shekulli.com.al

Click to comment

You must be logged in to post a comment Login

Leave a Reply

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top