ΕΙΔΗΣΕΙΣ

Emigrantët protestë antiraciste në Athinë

Mijëra emigrantë zhvilluan dje në Athinë një marshim proteste,

Mijëra emigrantë zhvilluan dje në Athinë një marshim proteste, me qëllim “për të denoncuar rastet e dhunës raciste dhe policore” ndaj të huajve në Greqi.

 

Rreth 3000 protestues, kryesisht pakistanezë, pas përfundimit të marshimit që nisi në sheshin Omonia, u tubuan para Parlamentit grek.

 

Më parë, ishin shënuar tensione të kufizuara, kur një pjesë e protestuesve sulmoi dhe goditi katër persona, pa u sqaruar nga policia shkaqet e sulmit dhe viktimat.

 

Në marshimin e protestës merrnin pjesë edhe pjesëtarë të grupimit të së majtës radikale, ANTARSYA. Lidhur me këtë fakt kryetari i shoqatës së pakistanezëve në Greqi, Syed Mohammad Jamil, tha se “protesta nuk duhet bërë objekt shfrytëzimi partiak nga askush”.

 

Jamil tha se kjo protestë u zhvillua për shkak të “rasteve të dhunës raciste ushtruar nga pjesëtarë të Agimit të Artë, madje dhe në mjediset e kultit fetar, por edhe të dhunës policore nga një pjesë e policëve, pjesëmarrës në operacionet e javëve të fundit në Athinë, kundër emigrantëve klandestinë”.

 

burimi www.ballkanweb.com

Click to comment

You must be logged in to post a comment Login

Leave a Reply

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top