Shqip

Edi Rama konfirmon vizitën në Serbi

Kryeministri Edi Rama do të shkojë javën e ardhshme në Beograd. Lajmi është bërë i ditur nga vetë kreu i qeverisë gjatë një interviste për “Reuters”. Vizita e Ramës në Beograd u vu në pikëpyetje pas incidentit në ndeshjen eliminatore Serbi-Shqipëri të ditës së martë. “Ne jemi të trishtuar dhe ndjehemi të zhgënjyer për atë që ka ndodhur dhe për mënyrën se si autoritetet serbe janë shprehur pas incidentit në ndeshje”, ka deklaruar Rama për “Reuters”. Por ka shtuar se nuk do t’ia lejojë vetes të anulojë planet për të vizituar kryeqytetin serb më 22 tetor. Kjo do të jetë edhe vizita e parë e një kryeministri shqiptar ne Beograd pas pothuajse 70 vitesh.

“Ne nuk do të ndikohemi nga politika e së kaluarës e urrejtjes etnike. Jam shumë i vendosur për të shkuar përpara”, tha Rama.

Marrëdhëniet midis dy vendeve kanë qenë të tensionuara që prej incidentit të së martës pasi droni me flamurin e “Shqipërisë së Madhe”, që përfshinte një zonë që mbulon të gjitha pjesët e Ballkanit ku jetojnë shqiptarët etnikë, fluturoi mbi stadiumin “partizani” të Beogradit ku luhej ndeshja Serbi-Shqipëri. Kjo shkaktoi dhunë dhe përleshje në fushë, si dhe anulimin e lojës.

Ministri i Brendshëm serb Nebojsha Stefanoviq të enjten deklaroi se “incidenti tregoi se Shqipëria nuk ishte e “pjekur sa duhet” për t’u bashkuar me komunitetin europian.

“Ne ndihemi me të vërtetë të trishtuar dhe të zhgënjyer për atë që ka ndodhur dhe për mënyrën se si autoritetet serbe kanë reaguar. Është e pabesueshme”, tha Rama në një intervistë për “Reuters”.

Por ai tha se nuk do të përdorë si shkak vërejtjet apo ankesat e bëra nga zyrtarët serbë se vëllai i tij ishte përgjegjës për dronin, për të prishur planet e tij për të vizituar kryeqytetin serb në 22 tetor.

“Ne nuk duhet të nxitemi nga politikat e së shkuarës dhe urrejtja e së kaluarës. Ne nuk duhet të nxitemi nga ajo që ndodhi në një lojë futbolli,” tha Rama gjatë fjalës së tij të mbajtur në Universitetin e Harvardit, në Boston. “Unë jam shumë i vendosur për të ecur përpara.”

Ekipi shqiptar iku nga fusha në ndeshjen e së martës, të mbajtur për eliminatoret e Euro 2016, ndërsa orcat speciale të policisë ishin thirrur për të shpërndarë turmën.

Rama vuri në dukje se, në një përpjekje për të shmangur ndonjë shpërthim të dhunës, Shqipëria nuk kishte dërguar asnjë tifozët në ndeshje, përveçse një kontigjent prej 45 personaliteteve përfshirë edhe vëllain e tij. Grupi u kontrolluan me kujdes nga autoritetet serbe, shtoi ai.

“Unë nuk shoh se si dikush mund të ketë kaluar një flamur apo dron, kur edhe shalle me simbolet shqiptare nuk ishin të lejuara për të hyrë në stadium,” tha Rama. “Është e qartë se objekti fluturues erdhi nga jashtë stadiumit”.

Si Serbia dhe Shqipëria kanë për qëllim një ditë të bëhen pjesë e Bashkimit Evropian. Marrëdhëniet në mes të dyve kanë kohë që janë shënuar nga tensione mbi Kosovën, e cila ka një shumicë etnike-shqiptare dhe shpalli pavarësinë në vitin 2008.

“Ne nuk do të përgjigjet në të njëjtën mënyrë të vjetër të një rajoni që ka vuajtur aq shumë nga kjo mënyrë e vjetër, nga një rajon që ka gjetur më në fund paqen” tha Rama. “Ne jemi në paqe jo sepse u bëmë engjëjt, por për shkak se ne jemi të gjithë të bindur se Evropa është destinacioni ynë dhe ne duam të jemi pjesë e familjes evropiane të kombeve si anëtarë të Bashkimit Evropian”.
Burimi: http://www.shqiptarja.com/home/1/edi-rama-konfirmon-vizit-n-n–serbi-mos-nxitemi-nga-urrejtja-246403.html#sthash.n2oR2FCp.dpuf

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top