ΕΙΔΗΣΕΙΣ

Ambasadori i Greqisë në Shqipëri BE-ja mund të mësojë shumë nga Shqipëria

Në qytetin e Fierit, është kthyer në një traditë që në ditët e festave kombëtare të vendeve anëtare të Bashkimit Europian, në sheshin “Europa” të qytetit të ngrihet flamuri i vendit përkatës.

Sot, në sheshin “Europa” u ngrit flamuri grek, me rastin e festës kombëtare të Greqisë. Këshilltari i Kryeministrit për çështje kulturore, Fate Velaj  iu referua në fjalën e tij, rëndësisë  që kanë  aktivitetet  kulturore  në njohjen reciproke të popujve dhe në forcimin e marrëdhënieve mes tyre.

Ndërsa ambasadori i Greqisë në Tiranë, Leonidas Rokanas  theksoi në fjalën e tij se marrëdhëniet dypalëshe njohin një zhvillim të ri  në shumë fusha  dhe premtoi se do të bëjë çfarë është e mundur për të sjellë investitorë grekë në Fier.

“Greqia”, vazhdoi ambasadori, “që në Samitin e Selanikut  të vitit 2003 dhe deri tani që ka presidencën e BE-së,  ka përkrahur dhe do të përkrahë Shqipërinë në rrugën e saj të integrimit europian, sepse Shqipëria i takon Europës”.

“Jo vetëm Shqipëria”, theksoi ambasadori, “mund të përfitojë prej Europës, por edhe Europa mund të mësojë prej Shqipërisë; mund të mësojë  prej  traditës shqiptare të bashkëjetesës dhe të harmonisë ndërfetare, që është me të vërtetë një vlerë e çmuar”, përfundoi ai.

Burimi www.shekulli.com.al

ΔΗΜΟΦΙΛΗΣ ΑΡΘΡΑ

Νέα, ειδήσεις για την Αλβανία και τους Αλβανούς στην Ελλάδα. Μεταναστευτικά νέα, ιθαγένεια, πολιτογράφηση, κώδικας μετανάστευσης, επικαιρότητα, Ελλάδα

To Top