Shqip

Temperatura 45 gradë në Greqi, rekord europian i të nxehtit

Vala më e madhe e të nxehtit në 10 vitet e fundit ka goditur Greqinë. Në Elefsina, pranë Athinës, është regjistruar mesditën e së premtes temperatura më e lartë sivjet në Europë, 45 gradë Celsius në hije.

Gjithashtu, në më shumë se 45 zona në të gjithë vendin janë regjistruar temperatura mbi 40 gradë Celsius. Sipas meteorologëve bëhet fjalë për një fenomen të veçantë, pasi këto temperatura janë rreth 9 gradë më të larta sesa niveli normal i këtij muaji.

Autoritetet greke kanë paralajmëruar qytetarët që të qëndrojnë në ambiente të mbyllura me ajër të kondicionuar, si dhe nën hije e të shmangin daljet e paqëllimta, ndërsa në të gjithë vendin ka gatishmëri të lartë, pasi kanë shpërthyer zjarret e para në pyje.

Vala e të nxehtit që do të vazhdojë edhe në fundjavë krahasohet me atë të vitit 1987, kur vetëm në Athinë gjetën vdekjen 1.300 vetë.

Burimi http://top-channel.tv/lajme/artikull.php?id=358670

ΣΧΟΛΙΑ

ΤΕΛΕΥΤΑΙΑ ΑΡΘΡΑ

To Top